सुंदर ते ध्यान उभा विटेवरी| कर कटावरी ठेवूनिया||१||
तुळशीहार गळा कसे पितांबर| आवडे निरंतर हेची ध्यान ||२||
मकर कुंडले तळपती श्रावणी| कंठी कौस्तुभमनी विराजित ||३||
तुका म्हणे माझे हेची सर्व सुख| पाहीन श्रीमुख आवडीने||४||
संत तुकाराम महाराजांचे दैवत कुठले तर पांडुरंग. त्यांनी आपली सगळी भक्ती श्री पांडुरंगाच्या चरणी अर्पण केली. त्यांच्या भक्तीत पांडुरंग एवढा साठवला आहे कि त्यांना ठायी ठायी पांडुरंग दिसत आहे. त्यांनी या अभंगात पांडुरंगाचे वर्णन सुद्धा किती सुंदर केले आहे. कमरेवर हात ठेवलेले असे पांडुरंगाचे सुंदर ध्यान विटेवर उभे आहे. तुळशीचा हार गळ्यात घातला असून कमरेला पितांबर नेसलेला आहे. कानात माश्याच्या आकाराप्रमाणे मकर कुंडले झळकत असून गळ्यात कौस्तुभमणी धारण केलेला आहे. असे तुकाराम महाराजांनी पांडुरंगाचे वर्णन केले असून पांडुरंगाच्या भक्तीतच आपले सुख मानले आहे. त्यामुळेच ते पांडुरंगाचे सुशोभित मुख आवडीने पाहीन असे म्हणतात.
कोणत्याही टिप्पण्या नाहीत:
टिप्पणी पोस्ट करा